Жаңаөзенде "Жасыл қала" байқауы жарияланды

Жаңаөзен қаласының әкімдігі 3 аталым бойынша "Жасыл қала" байқауын жариялады, - деп хабарлайды mangystaumedia.kz сайты.

Атап айтқанда, байқауда жеке тұрғын үйлер арасындағы "Менің үйім - қаладағы үздік үй" аталымы, көпқабатты тұрғын үйлер арасында "Үлгілі аула" аталымы және меншік түріне қарамастан қала аумағында орналасқан кәсіпорындар мен мекемелер арасында "Таза қала" аталымы бар.

- Байқаудың басты мақсаты - қаланың сәулет келбетін, санитарлық жағдайын жақсарту, абаттандыру, көгалдандыру мәселелерін шешуге тұрғындарды барынша тарту. Байқауға жеке үй иелері, кондоминиум обьектісін басқару бойынша қызмет атқаратын жеке және заңды тұлғалар, кәсіпорындар, ұйымдар және мекемелер қатыса алады, - дейді Жаңаөзен қаласының әкімдігінің баспасөз қызметі.

Конкурс жеңімпаздары арнайы сыйлықтармен, алғыс хатпен марапатталады.

Конкурсқа қатысуға өтінімдер 2024 жылдың 1 шілдесіне дейін қабылданады.

Өтінімдер Жаңаөзен қаласы, мемлекеттік мекемелер ғимараты, 3 қабат, 308 кабинет мекенжайы бойынша "Жаңаөзен қалалық тұрғын үй коммуналдық шаруашылық және тұрғын үй инспекциясы бөлімі" ММ-де және электрондық пошта арқылы қабылданады.

Байланыс телефоны: 8 (72934) 93097

Электрондық пошта: jkx64@mail.ru

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.